طريقة عمل اعلان ممول على جوجل

طريقة عمل اعلان ممول على جوجل

مع كترة استخدامنا للإنترنت، التسويق الإلكتروني أصبح شيء أساسي لكل شركة أو منشأة مهما كان مجالها. وأنواع التسويق الإلكتروني وأشكاله متعددة زي التسوق من خلال عمل اعلان ممول على جوجل، التسويق من خلال السوشيال ميديا زي فيسبوك، تويتر، وانستجرام، أو من خلال التسويق عبر البريد الإلكتروني، أو حتى من خلال التسويق عبر الرسائل النصية على التليفون. كل دي أنواع مختلفة من أنواع التسويق الإلكتروني واللي كلها بتكمل بعض ومينفعش الإستغناء عن نوع منهم والإكتفاء بالتاني ولكن واحد من أهم الأنواع هو التسويق من خلال جوجل ودة اللي هنعرفكم عليه في مقالنا وهنعرفك طريقة عمل اعلان ممول على جوجل بالتفصيل، أنواع إعلانات جوجل، مميزات عمل اعلان ممول على جوجل، وعيوب إعلانات جوجل الممولة والأهم من كل دة إننا هنعرفكم إيه هو جوجل أساسًا كا وسيلة تسويق.

إيه هو جوجل؟

جوجل هو إحدى محركات البحث. محرك البحث هو باختصار برنامج إلكتروني بيشتغل بالإنترنت بيكون متسجل عليه بيانات مليارات المواقع الالكترونية عشان تقدر تكتب كلمة أو جملة ويطلعلك أكتر نتائج مناسبة ليها. طبعًا هتسأل نفسك دلوقتي إيه اللي يخلي موقع يطلع رقم 1 على جوجل وموقع يطلع رقم 1000؟ عملية تحسين ترتيب موقعك في جوجل عملية معقدة رغم سهولتها لأن خطواتها معروفة للكل ولكن تنفيذها مش أسهل حاجة. وكمان اعلانات جوجل الممولة من أهم اسباب ظهورك في النتائج الأولية عشان كدة هنقولك طريقة عمل اعلان ممول على جوجل بالتفصيل.

طرق تحسين ترتيب موقعك في جوجل:

أول طريقة لتحسين ترتيب موقعك في جوجل هي ما يُعرف بالـ search engine optimization ودة إتكلمنا عنه بالتفصيل في مقال ملخص عن افضل الطرق المضمونة لتحسين السيو لموقعك على الويب ودي بتكون طريقة مجانية تمامًا.

أما الطريقة التانية لتحسين ترتيب موقعك في جوجل هي من خلال عمل إعلان ممول على جوجل ودة اللي هنتكلم أكتر عن أنواعه، أهميته، تكلفته، وهنقولك طريقة عمل اعلان ممول على جوجل بالتفصيل في السطور الجاية.

أهمية عمل اعلان ممول على جوجل:

زي ما قولنا إن التسويق الإلكتروني بشكل عام مهم، ولكن عمل اعلان ممول على جوجل بشكل خاص له أهمية كبيرة وعشان تقدر تحصل على الأهمية دي باحسن شكل محتاج تعرف طريقة عمل اعلان ممول على جوجل وأهمية اعلانات جوجل تتمثل في:

• سرعة الوصول للجمهور المستهدف
• إنتشار أوسع من باقي أنواع الإعلانات
• تكلفة أقل من تكلفة الإعلانات التقليدية
• سهولة متابعة ومراقبة الإعلان من خلال google analytics

عشان كدة لو عندك مشروع أيًا كان حجمه أو مجاله مينفعش تتجاهل عمل إعلان ممول على جوجل.

أنواع إعلانات جوجل:

من مميزات عمل اعلان ممول على جوجل إنه بيتيح لك أكتر من نوع للإعلان عشان يناسب أهدافك وحجم مشروعك والانواع دي لازم تعرفها كويس جدا عشان تقدر تعرف طريقة عمل اعلان ممول على جوجل الصحيحة وهم:

1. إعلانات البحث:
   

إعلانات البحث هي أكتر نوع منتشر في إعلانات جوجل ودة بسبب إنك بتظهر للناس اللي بتدور على حاجة معينة بإستخدام كلمات معينة إنت اللي بتحددها ودة مش بس بيخليك قادر توصل لجمهورك المستهدف بسهولة ولكن بيخليك كمان توصل للناس اللي محتاجة خدمتك في وسط جمهورك المستهدف.

1. الـ video ads
   

النوع دة من الإعلانات بيكون مهم جدًا لو حابب يكون لك إعلان حقيقي بتكلفة أقل من تكلفة الإعلان عن طريق قنوات التليفزيون ودة لأن الفيديو الخاص بيك بيبدأ يظهر للناس على منصات مختلفة متحدة مع جوجل وأشهرهم الإعلانات اللي بتظهر على اليوتيوب قبل أو في نص الفيديو.

1. إعلانات العرض:
   

النوع دة من الإعلانات يعتبر ببساطة تأجير مساحة في مواقع مختلفة عشان يظهر فيها إعلانك زي مواقع الأخبار، الرياضة، وغيرها كتير ودة بيكون مفيد جدًا لو هدفك هو الإنتشار أكتر من الوصول لفئة معينة من الناس.

1. إعلانات التسوق
   

إعلانات التسوق أو الـ shopping ads هي أنواع من الإعلانات الخاصة بالمنتجات ودة لأن المستخدم لما بيكتب إسم المنتج بيبدأ جوجل يظهرله نفس المنتج في أكتر من موقع مختلف بسعره ونبذة بسيطة عنه عشان يقدر يعمل مقارنة سريعة قبل ما ياخد قرار زيارة أي موقع من المواقع دي.

تكلفة عمل اعلان ممول على جوجل:

تكلفة الإعلان الممول هي أكتر حاجة تهم أي صاحب عمل لأنه على أساسها بياخد قرار هل هيعمل الإعلان دة ولا لا وكمان بيتوقف عليها خطته التسويقية وحساب ميزانيته وحاجات تانية كتير. عشان كدة هنقولك التكلفة المحتملة لعمل اعلان ممول على جوجل وأقل تكلفة له وكمان طريقة عمل اعلان ممول على جوجل. في البداية محتاج تعرف إن عشان تعمل اعلان ممول على جوجل محتاج يكون عندك حساب على جوجل أدوردز Google adwords ودة بيكون مجاني 100% ويقدر أي شخص يعمله طالما عنده بريد إلكتروني على جوجل. وزي الفيس بوك، اعلانات جوجل بيكون الدفع فيها بعد تحقيق النتائج مش قبل. بمعنى إنك لما تعمل إعلان ممول على جوجل مش هتدفع اى فلوس مقدمًا وإنما الفلوس هتتسحب منك بعد إنتشار الإعلان وتحقيق النتائج.

وهنا يجي السؤال المهم، إزاي أحدد تكلفة إعلان ممول على جوجل؟

مفيش سعر موحد هيكون مناسب للجميع لأن دة بيتوقف على أكتر من حاجة وهم:

• نوع الحملة
• تكلفة الكلمات الرئيسية
• مجالك
• جودة الإعلان والإستهداف

وهنا بيتم حساب التكلفة حسب الطريقة اللي بتختارها ما بين الدفع مقابل عدد الضغطات Pay per click أو الدفع مقابل ألف ظهور CPM واللي هنعرف الفرق بينهم دلوقتي.

الفرق بين PPC و CPM:

أول خطوة في طريقة عمل اعلان ممول على جوجل هي انك تعرف هتتحاسب ازاى على الاعلان دة. لما تيجي تعمل اعلان ممول على جوجل بيكون عندك اختيارين للحساب وهم إنك تتحاسب على كل نتيجة أو خطوة ياخدها العميل ودي طريقة الـ Pay per click وبتكون إختيار مناسب لو هدفك من الإعلان إتصال أو زيارة لموقعك. أما الطريقة التانية للحساب هي ال cost per mile وهنا انت بتتحاسب على عدد الإنتشار والناس اللي شافوا إعلانك بغض النظر هم التفتوا له ولا لا وتفاعلوا معاه ولا لا ودة بيكون مفيد أكتر لو إنت لسة في مرحلة الـ awareness ومش عايز أكتر من إن الناس تشوفك.

إزاي الإعلانات الممولة على جوجل بتشتغل:

بيبدأ جوجل في البداية يظهر إعلانك للعملاء المحتملين والمهتمين بخدمتك أو منتجك. وبتبدأ إستراتيجية المزاد على الكلمات المفتاحية المختارة وهنا أحسن إعلان بيبدأ يظهر كا أول نتيجة في صفحة البحث، أو إعلانات اليوتيوب أو حتى أي موقع آخر على حسب نوع الحملة اللي انت مختارها. ولكن إيه يخلي إعلانك هو اللي يفوز بالمزاد دة؟

في أكتر من عامل مؤثر في جودة إعلانك وترتيب ظهوره على جوجل وهنقولك عليهم دلوقتي وكمان هنعرفك طريقة عمل اعلان ممول على جوجل بالتفصيل.

ترتيب اعلانك الممول على جوجل ودرجة جودته:

ترتيب إعلانك بيتم تحديده على أساس عاملين مهمين؛ الأول هو التكلفة المحددة والتاني هو جودة اعلانك الممول على جوجل. وخليك فاكر إن جودة إعلانك يتم تحديدها بناءًا على أهمية الإعلان وتطابقه مع إحتياجات المستخدم. وجول بتقيس دة من خلال عدد المستخدمين اللي بيقوموا بزيارة إعلانك واللي يمكن تحسينها من خلال 3 حاجات أساسية:

• تطابق وجودة الكلمات المفتاحية المُختارة
• لو كان إعلانك الممول والـ CTA الخاص به مفيدين للباحث وبيوصلوه باللي بيدور عليه.
• سهولة أو صعوبة تجربة المستخدم خلال رحلته في صفحتك

درجة جودة إعلانك هي أهم حاجة محتاج تركز عليها وإنت بتعمل إعلان ممول على جوجل حتى قبل ما تقرر تزود التكلفة. لأن كل ما كانت درجة جودة الإعلان أكتر كل ما كانت التكلفة أقل وظهور إعلانك أكتر.

طريقة عمل اعلان ممول على جوجل:

بعد ما عرفت أهمية عمل إعلان ممول على جوجل محتاج تعرف بالتفصيل طريقة عمل اعلان ممول على جوجل واللي تتلخص في خطوات بسيطة هنوضحهالك في السطور الجاية.

1. محتاج يكون عندك حساب على Google adwords ودة هتعمله ببساطة من خلال إنك تروح لجوجل أدز وتدوس start now وهيطلب منك تسجل دخول بالايميل بتاعك وبكدة الأكونت بقى جاهز.
2. هتبدأ دلوقتي تختار إسم شركتك وتدخل لينك الويبسايت اللي عايز المستخدم يدخل عليه أول ما يضغط على إعلانك.
3. تالت خطوة هي تحديد هدف حملتك الإعلانية وكنا إتكلمنا بالتفصيل عن الأهدف وإستخدام كل واحد فيهم.
4. الخطوة اللي بعد كدة هي إنشاء إعلانك ودة ممكن يكون صعب شوية لأنه بيحتاج إبداع. ولكن جوجل بتقدملك بعض الإقتراحات ولكن أهم حاجة هي كتابة إعلان بشكل مُبدع يشد إنتباه المستخدم ويزود عدد الزيارات لموقعك.
5. بعد كدة هتحتاج تختار الكلمات الرئيسية المناسبة لشركتك ومنتجك. وهنا جوجل بتقترح عليك بعض الكلمات فا لو كنت لسة مبتديء أو معندكش الخبرة الكافية في إختيار الكلمات تقدر تكتفي بالكلمات المُقترحة من جوجل.
6. هتحتاج بعد كدة إنك تختار موقع إعلانك، هل يظهر لكل المستخدمين في مصر على سبيل المثال ولا محافظات أو مناطق محددة؟ ودة طبعًا بيعتمد على مكان شركتك أو المناطق اللي بتغطيها خدماتك.
7. تعتبر الخطوة دي من أهم الخطوات وهي إختيار الميزانية أو التكلفة الإعلانية الخاصة بإعلانك وهنا بيكون عندك إختيارين؛ الأول هو إنك تستخدم واحدة من التكلفات اللي مقترحاها جوجل ليك أو إنك تقوم بتحديد التكلفة بنفسك.
8. بعد إختيار التكلفة وتحديدها هيجي وقت إنك تختار نوع وطريقة الدفع وتدخل بيانات بطاقة الإئتمان الخاصة بيك.

بكدة إنت نجحت في عمل إعلان ممول على جوجل وتقدر بعدها تربط حسابك الإعلاني بـ google analytics واللي هتقدر من خلاله تتبع نتائج إعلانك ومدى نجاحه وكمان تقدر تطلع تقاريرك من عليه.